|
Adar 07, 2008
Teklîfa
Microsoftê bo Yahoo cîhana înternet û aborîyê tevlîhev kir
Ji HAWAR DENGÛBAS
|
 |
| |
Teklîfa Microsoft bi kirîna Yahoo li hemû cîhanê gelek
deng veda. Nîqaş, bandor û spekulasyonên ser pêşniyara
Microsoftê hê jî dewam dike. Bi taybetî piştî pêşniyara
Microfstê borsaya Emerîka demekÎ dirêj bû dadiket ber bi
bilind bûnê ve çû her wiha hîsseyên Googelê jî daket.
Hefteyeke berê Microsoft pêşniyara kirîna Yahoo.com bi
44 milyar û 600 milyon dolarî kir. Tê diyar kirin ku ev
nirx ji nirxa esasî ya Yahoo yê 2 qatî zêdetir e.
Bi qasî 18 mehan e ku Microsoft dixwaze Yahoo.com
bikire. Roja înê ya borî Microsoftê pêşniyara xwe ji
Yahoo re kir; 44 milyar û 600 milyon dolar teklîf kir.
Lê Yahoo bi Google re kete têkiliyê ji bo hevkariya hev
bikin, da ku teklîfa Microsoftê vala bimîne. Çavkaniyeke
ku hay ji stratejiya Yahoo heye, da zanîn ku Yahoo ji bo
bikaribe teklîfa Microsoftê paşve bide û qebûl neke,
difikire ku bi Google rehevkariyê bike. Çavkanî dibêje
ku Yahoo berî niha bi demeke dirêj bi Google re hevdîtin
dabû destpêkirin, niha jî dikare wan hevdîtinan
bidomîne.
Li gor du çavkaniyê cuda, Microsoftê serê para borsayê
31 dolar teklîfî Yahoo kiriye. Ev pêşniyar ji nirxê
şîrketê kêmtir e. Microsoft bi armanca ku bikeve pêşiya
Google, dixwaze raqîba xwe ya Yahoo bikire. Google li
ser vê yekê kete rewşeke xerab. Parên borsayê yên
şîrketa Google li ser vê yekê %9 qîmetê xwe winda kiri.
Wek tê zanîn ku Microsoft dixwaze desthilatiya Googlê di
warê lêgerînê Înternetê de bişkîne.
|
|
|
|
|
|
Binivsîne
Beyî nûçe û nivîsên ku ji weşanên din hatine veguheztin û çavkanî hatiyê nîşan dan, hemû mafên nûçe û nivîsan ser navê Hawar Kurdistan Media Group ya ZANISTÛTEKNOLOJÎ.com e.Beyî destûr naye bikaranîn