28 Rebendan , 2007

Firotina Mûzîkê bi dijîtal û bi CD wê bi hev re bimeşe

Li gor texmîna Federasyona Endustrîya Fonogram ya Navneteweyî  di sala 2010'an de ji % 25ê hemû firotinên mûzîkê firotina ji mûzîkê yê dijîtal pêk bê.

ZANISTUTEKNOLOJI.com

Li gor texmîna Federasyona Endustrîya Fonogram ya Navneteweyî (The International Federation of the Phonographic Industry-IFPI) ku firotina cîhanî ya mûzîkê kontrol dike di sala 2010'an de ji % 25ê hemû firotinên mûzîkê firotina ji mûzîkê yê dijîtal pêk bê.

Beramberî vê yekê raporên ku her sal IFPI diweşîne wisa nîşan dide ku mûzîka dijital wê formata CD ji holê raneke.


DYE bazara herî mezin e

Di layeke din de jî firotinên mûzîka digital li gor 2005'an di 2006'an hinek be jî daketîye.Bi giştÎ ji %80ê ev firotinê li DYE pêk tê.

Her wiha li gor raporê daxistina mûzîka dijîtal li Japonyayê herî zêde bo amûrên mobîl pêk tên.


Di mûzîka Kurdî bi mp3ên bêtelîf mafên hunermendan tê binpêkirin

Ji ber ku li Kurdistanê bi rexistin bûyînek navendî nîne û dezgehên kontrol kirinê nîne mûzîka dijital bi riya mp3'en ne yasayî keda hunermendên Kurd tê talan kirin û guhdarên Kurd jî di vî warî de zêde hestîyar nînin û CDyên orjînal yên mûzîka Kurdî nakirin û derbeyek mezin li pêşketina mûzîka Kurdî dixin.

Her wiha ji ber nebîyana dewleteke serbixwe ya Kurdistanê îstatîstîkên mûzÎka Kurdî di raporên navnetweyî de nayê daxîl kirin..